share給廣大samsung用家。利申︰患上了手機分離症候群的我用的是softbank...
《作為一個用「***」手機既男人，一定要有後備電》
是咁的，今日食lunch既時侯，唔小心比同事見到我個袋有十幾粒後備電，
個同事好驚訝咁問我點解要買咁多粒後備電。
講真依啲問題我真係唔想答佢。
如果我係甘心玩一晚overnight之後電話自動熄機，成為失縱人口的話，我點解唔乖乖地做返個ifanboy，享受每一代長0.5吋既螢幕專利？
我點解要轉用三叔銀河機？
冇錯，睇過潮文都知，就係因為有得換電。咁點解要換電呀？
問依個問題既，一係喺女人，一係喺毒X。
知唔知點先為之一個負責任既男人？
誠實？買LV？比錢佢洗？
錯曬！依類答案真係好天真。
要負責任，要比到安全感女朋友，只有一個方法。
就係電話隨時隨地保持電量，聽到女友電話，覆到女友wtsapp。
講真你解釋話因為電話冇電所以覆唔到，係我眼中同中出即飛無分別，都係一個卑鄙小人！
同事即刻反駁我話：「三叔啲機用電好似倒水咁囉！！」
我一聽到真係好懷疑這位同事的中、小學時代究竟有冇讀過中文科，我好想問下佢個腦入面有幾多中文詞彙。
用「倒水」黎形容三叔電話既用電情況，根本同睇亞視一樣，都係大錯特錯。
用「倒水」形容三叔既用電情況簡直係對佢既侮辱。
「爆水渠」！只有「爆水渠」三個字先可以將三叔手機既耗電情懷，率真咁表露出黎。
你有冇試過由屋企返公司，半粒鐘車程，電量由100%跌到去65%，搞到你一踏入公司就好似打欖球咁達陣式差電？
你有冇試過電話自動熄機，你一開返，有50%電好似「回到三國」咁穿梭時空，唔知去咗邊？
如果你冇試過，你根本就唔係三叔既fans，你好表面，我唔會同你討論依個話題。
講真，你下下都開Facebook，Wtsapp，Wechat，Hkgolden，十幾廿個App，唔通唔洗用電？三叔為咗提供最高質素既服務，自然就要用電啦！係咪？
每一個巴仙既電量，都代表住三叔既無私奉獻，有血，有汗，有電油！
唔似得舊款Nokia，可以用三，四日都唔洗差電，咁只係代表個OS係到Hea你！
係到恥笑你用唔盡佢既功能！就好似你同老婆行房咁，你已經「做」到身水身汗，之後你老婆問你一句：「入咗架啦？」
根本就唔尊重用家！
好，再講有十粒電，加埋超過16000mAh，知唔知代表啲咩？
就係代表你由朝到晚，上山下海，直落老蘭，花天酒地，部三叔銀河機都依然有電可用。
問心個句，有邊部三叔機可以用足一日唔洗差電？你答到我，我即刻出機！！
加上每個女友同我講，覺得我最瀟灑既時刻，就係三叔冇電既時刻。
一般人無電會點？佢地會用尿袋、搵啲牛龜咁大既外置差電、或者驚驚青青咁搵七仔，咩霸氣都冇曬。
而我？笑而不語，左手拔電，右手插新電，整個過程3.87秒，電量立即變返100%。螢幕光度都係100%。
「好有安全感。」這是女友給我的評語。
你試諗下，你今日要開十二個會，個個同事都苦惱梗電話開始冇電既時候，你完全無懼，人地得一粒後備電，要用到得返1%先敢換，你就唔同，電話每減少1%電，你即刻嗌：「換電！」
左右手不斷交替換電，換到好似洗啤牌咁，男人味就係咁黎。
最重要係女朋友揾你，你係一定覆到佢。
你女朋友會驚訝點解你連續開會，部電話都仲捱得住。
你個個時候答佢：「為左你我買左廿粒電。」
講真，你老闆對你既未雨綢繆好欣賞，對你身為男人既責任感而感動，佢會係工作上睇重你，之後放你半日有薪假，叫你同女朋友結婚。
臨離開公司，你老闆會請教你，後備電係咪應該買返原廠？
這個是關鍵時候，你要同佢講三叔既原廠電係藝術品，每一舊都有佢既性格，有佢既心態。有啲三日就壞，有啲三個月先壞，你當玩lucky draw個感觀就fit曬。
所以你應該同老闆講一句：「去鴨記執啲雞貨，夠玩架啦。」
膽大心細，有平有貴。
三叔，inevitable。
圖片來源：澤爺的Facebook Status
P.S. Sorry篇文全口語...因為我太激動..話說我部三叔銀河S2經歷無數苦難，前幾日仲開始差唔到電...我諗壞咗底板...昨日睇到澤爺的facebook...真係百般滋味。
小弟係科技白痴，各路英雄，有咩機好介紹？
Search